Erbil 44°C ھەینی 19 تەمووز 18:09

توركیا نهێنییەك لەبارەی كەوتنەخوارەوەی هێلیكۆپتەرەكەی ئیبراهیم رەئیسی ئاشكرا دەكات

کوردستان TV
100%

وەزیرێكی توركیا ئەمڕۆ دووشەممە زانیارییەكی نەبیستراوی لەبارەی رووداوی كەوتنەخوارەوەی هێلیكۆپتەرەكەی سەرۆك كۆماری ئێران و یاوەرانی ئاشكرا كرد.

عەبدولقادر ئۆرال ئۆغلو وەزیری گواستنەوەی توركیا ئاشكرای كرد: ئامێری ناردنی سیگناڵ لە هێلیكۆپتەرەكەی ئیبراهیم رەئیسی و یاوەرانیدا كارا نەبووە، یاخود رەنگە هەر ئامێرەكەی تێدا نەبووبێت.

بەپێی ستانداردی جیهانی هەموو فڕۆكەیەكی مەدەنی و سەربازی تەنانەت كەشتییكانیش لە سەرتاسەری جیهان ئامێری ناردنی سیگناڵی هەیە كە بە (Locator beacons) ناسراوە، لە كاتی كەوتنەوەی هەر رووداوێكدا سیگناڵ دەنێرێت بۆ دیاریكردنی شوێنەكەی تا تیمەكانی فریاگوزاری و رزگاركردن بە خێرایی بگەنە شوێنی رووداوەكە.

ئامێری ناردنی سیگناڵەكە بە پاتری كار دەكات و دەتوانێت بۆ ماوەی 30 تا 35 رۆژ بمێنێتەوە و سیگناڵی بەردەوام بنێرێت.

ئێوارەی دوێنێ یەكشەم ئەو هێلیكۆپتەرەی ئیبراهیم رەئیسی و یاوەرانی هەڵگرتبوو لە دارستانێكی چڕی سنووری پارێزگای ئازەربێجانی رۆژهەڵات كەوتە خوارەوە، بەڵام بەرەبەیانی ئەمڕۆ دووشەممە بە هەماهەنگی توركیا شوێنی كەوتنەخوارەوەی هێلیكۆپتەرەكە دیاری كرا.

رۆژهه‌ڵاتی ناوه‌راست تورکیا

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.