Erbil 15°C ھەینی 14 حوزەیران 22:23

سەرۆك كۆماری ئێران بەنیازبوو هەفتەی داهاتوو سەردانەكەی بۆ عێراق ئەنجام بدات

کوردستان TV
100%

كوسنوڵی ئێران لە هەولێر ئاشكرای كرد كە سەرۆك كۆماری وڵاتەكەی بەنیازبوو هەفتەی داهاتوو بە سەردانێكی فەرمی بگاتە عێراق و دواتریش سەردانی هەرێمی كوردستان بكات.

نەسڕوڵا رەشنوودی كونسوڵی گشتیی كۆماری ئیسلامی ئێران گوتی: ئیبراهیم رەئیسی سەرۆك كۆماری ئێران بەنیازبوو هەفتەی داهاتوو سەردانی عێراق بكات، لەمیانەی سەردانەكەشیدا لەسەر بانگهێشتی نێچیرڤان بارزانی سەرۆكی هەرێمی كوردستان، سەردانی هەرێمی كوردستانیشی دەكرد.

راشیگەیاند: هەر لە كاتی بڵاوبوونەوەی هەواڵی كەوتنەخوارەوەی هێلیكۆپتەرەكەی ئیبراهیم رەئیسی، لەلایەن بەرپرسانی هەرێمی كوردستان و عێراقەوە پەیامی هیوای سەلامەتییان بۆ سەرۆك كۆماری ئێران و یاوەرانی پێگەیشتووە.

هەروەها رایگەیاند: بەهەمانشێوە دوای راگەیاندنی گیانلەدەستدانی سەرۆك و یاوەرانی لە رووداوەكەدا، دەیان پرسەنامەیان لە بەرپرسانی حزبی و حكوومی پێگەیشتووە.

ئێوارەی دوێنێ یەكشەممە ئیبراهیم رەئیسی سەرۆك كۆماری ئێران و حوسێن ئەمیر عەبدوڵاهیان وەزیری دەرەوە و چەند بەرپرسێكی تری پارێزگای تەورێز و ئازەربایجانی رۆژهەڵات بەشدارییان لە ڕێوڕەسمی كردنەوەی پڕۆژەی بەنداوێك لەسەر رووباری ئاراس لە پارێزگای تەورێز كرد.

دوای بەشداریكردنیان لە ڕێوڕەسمەكە، ئیبراهیم رەئیسی و یاوەرانی بە هێلیكۆپتەر گەڕانەوە، بەڵام لە ڕێگە هێلیكۆپتەرەكەیان كەوتەخوارەوە، سەرلەبەیانی ئەمڕۆ دووشەممەش سەرۆكایەتی ئێران گیانلەدەستدانی سەرجەم سەرنشینەكانی هێلیكۆپتەرەكەی راگەیاند.

رۆژهه‌ڵاتی ناوه‌راست ئێران

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.