ئەڤرو بەری نیڤرۆ رۆژا چارشەمبی 15/ئەیارا/2024ێ ل کوچکا مێھڤانداریا " د.عەلی تەتەر" پارێزگارێ دھۆکێ پێشوازیا شاندەکێ ژورا بازرگانی وئابورناس وکومپانیێن ترکی ژ عنتابێ ودەروبەران کر.
دھەڤدیتنەکێدا ب ئامادەبونا" شکری جەمیل" سەروکێ ژورا بازرگانی وپیشەسازیا دھۆکێ وئەندامێن ژورێ بەحسێ پەیوەندیێن دێرین یێن بازرگانی وئابوری وکلتوری وجڤاکی دناڤبەرا ھەرێما کوردستانێ وترکیا ب گشتی ھاتە کرن.
پارێزگارێ دھۆکێ دیارکر کو ھەبونا پەیوەندیێن گشتی دگەل ترکیا زۆر دگرن و ل ڤان (30) سالێن دەربازبوی بزاڤا بازرگانی وئابوری دناڤبەرا ھەرێما کوردستانێ وترکیا دا زۆر خورتبویە وتەکەزی ل سەر کۆمبون و رونشتنێن دوو ئالی دناڤبەرا بازرگان وسەرمایەدارێن ھەرێما کوردستانێ نەخاسمە یێن پارێزگەھا دھۆکێ دگەل بارزگان و کومپانیێن ترکی کر ودازانین کو ب رێکا پەیوەندیێن بازرگانی پەیوەندیێن سیاسی وجڤاکی وکلتوری وگەشتیاری ژی پتر دێ ھێنە خوشکرن وپشتەڤانیا پارێزگەھێ نیشان بو ھەر ھەڤکاریەکێ بو یەکێ ئاستێ وان پەیوەندیا ژھەموو رویەکیڤە پتر بھێنە پێشئێخسن.
سەروکێ شاندی دیارکر کو پشتی سەرەدانا سەروکێ ترکیا بو ھەرێما کوردستانێ وعیراقێ ، پەیوەندیێن گشتی و ئالوگوریا بازرگانی دھەموو بیاڤەکیدا دێ پتر وەرارێ کەن.
کۆمێنت (0)
تا ئێستا هیچ کۆمێنتێک نەکراوە.