پارێزگاری هه‌ولێر ئومێد خۆشناو، په‌یامێكی به‌بۆنه‌ی دامه‌زراندنی یه‌كێتی مامۆستایانی كوردستان بڵاوكرده‌وه.
له په‌یامه‌كه‌ی ئومێد خۆشناودا هاتووه، بەبۆنەی (62)ەمین ساڵیادی دامەزراندنی یەکێتیی مامۆستایانی کوردستان، پیرۆزبایی لە سەرۆک و ئەندامانی سکرتاریەت و گشت ئەندامانی یەکێتی مامۆستایانی کوردستان بەگشتیى و هەولێرى پایتەخت بەتایبەتى دەکەین.
پارێزگاری هه‌ولێر رایده‌گه‌ێنێت، یەکێتیی مامۆستایانی کوردستان، وەک ڕێکخراوەیی و پیشەیی و داکۆکیکار لە ماف و داخوازییەکانی مامۆستایان، هەمیشە لە سەنگەری بەرگریکردندا بووە لە مافە ڕەواکانی گەلەکەمان و لە شۆڕشەکانی کوردستاندا بەشدارییەکی کارای هەبووە.
ئومێد خۆشناو ده‌شڵێت، بەم بۆنەیەوە وەک پارێزگاى هەولێر، جگە لەوەى بەڕێز و پێزانیینەوە ڕۆڵی مامۆستایان لە پێگەیاندنی رۆڵەکانی کوردستان بەرز دەنرخێنین، کە سەڕەڕای هەموو دۆخە سەختەکان بەردەوام بوون لە بەخشش و درێژەدان بە ئەرکە پیرۆزەکەیان، خوازیارین لە خزمەتکردن و پێگەیاندنی قوتابیان بە پەروەردەیەکی دروست و خۆشویستن و داکۆکیکردن لە دەسکەوتەکانى کوردستان و گەشەپێدانى پرۆسەی پەروەردە لە هەرێمى کوردستان بە گشتیى و هەولێرى پایتەخت بەتایبەتى بەردەوام بن.
کۆمێنت (0)
تا ئێستا هیچ کۆمێنتێک نەکراوە.