سەرۆكی حكوومەتی هەرێمی كوردستان پەیامێكی سەرەخۆشی بەهۆی رووداوەكەی ئەمڕۆی سەر رێگای كەلار – كفری بڵاو كردەوە كە بەهۆیەوە ژمارەیەك قوتابی لە ئەنجامی رووداوێكی هاتوچۆ لەنێو پاسێكدا بوونە قوربانی.
مەسرور بارزانی سەرۆكی حكوومەتی هەرێمی كوردستان رایگەیاند "بە داخەوە هەواڵی گيانلەدەستدانی ژماره‌يه‌ك قوتابيى ئاماده‌یی و برينداربوونى ژماره‌يه‌كى ديكه‌م له ئەنجامی ڕووداوێكى دڵتەزێنی هاتوچۆ له‌سه‌ر ڕێگه‌ى كه‌لار ـ كفرى بیست".
مەسرور بارزانی راشیگەیاند "پرسه و سه‌ره‌خۆشى قووڵی خۆم ئاراستەی بنەماڵە و كه‌سوكاریان ده‌كه‌م و هاوخه‌ميانم".
سەرۆكی حكوومەت هەروەها رایگەیاند "خواى مه‌زن گيانیان بە بەهەشت شاد بكات و ئارامى و دڵنه‌وايیش بە خێزان و كه‌سوكاریان ببه‌خشێت. هيواى چاکبوونەوەی خێراش بۆ بريندارەکان ده‌خوازم".
کۆمێنت (0)
تا ئێستا هیچ کۆمێنتێک نەکراوە.