سه‌رۆك وه‌زیرانی عێراق ئه‌مشه‌و پێنجشه‌م له هۆڵه‌نداوه به‌ره‌و ئه‌ڵمانیا به‌ڕێكه‌وت به مه‌به‌ستی به‌شداریكردن له 60ـه‌مین كۆنفڕانسی ئاسایشی جیهانی له میونشن.
نووسینگه‌ی راگه‌یاندنی سه‌رۆك وه‌زیران بڵاوی كرده‌وه: محه‌مه‌د شیاع سوودانی سه‌رۆك وه‌زیرانی عێراق دوای كۆتاهاتنی سه‌ردانه‌كه‌ی بۆ هۆڵه‌ندا، ئه‌مشه‌و پێنجشه‌م به‌ره‌و ئه‌ڵمانیا به‌ڕێ كه‌وت.
بڵاویشی كرده‌وه: سوودانی سبه‌ی هه‌ینی هاوشانی سه‌رۆك و سه‌ركرده‌كانی جیهان، به‌شداری له كۆنفڕانسی ئاسایشی جیهانی 2024 له میونشن ده‌كات.
سه‌رۆك وه‌زیرانی عێراق ئه‌مڕۆ پێنجشه‌م له‌میانه‌ی سه‌ردانه فه‌رمییه‌كه‌ی بۆ وڵاتی هۆڵه‌ندا، چاوی به سه‌رۆك وه‌زیران و ژماره‌یه‌ك له بازرگان و خاوه‌نكاری هۆڵه‌ندی تایبه‌ت به بواری وزه و گواستنه‌وه كه‌وتبوو.
کۆمێنت (0)
تا ئێستا هیچ کۆمێنتێک نەکراوە.