وه‌زاره‌تی كاره‌با رایگه‌یاند، بەهۆی كەوتنەوەی ئاگرێكەوە لە كێڵگەی غازی كۆرمۆڕ بەرهەمهێنانی كارەبا ڕاوەستا.
له راگه‌یاندراوێكدا وه‌زاره‌تی كاره‌بای حكومه‌تی هه‌رێمی كوردستان بڵاویكرده‌وه، ئاگاداری هاوبەشانی كارەبا دەكەینەوە كاتژمێر 10:22 شەوی 2024/1/25 بەهۆی كەوتنەوەی ئاگرێكەوە لە كێڵگەی غازی كۆرمۆر، لەپێناو سەلامەتیی کارمەندان و كێڵگەكە هەناردەكردنی غاز بۆ سەرجەم وێستگەكانی بەرهەمهێنانی كارەبا راگیرا و بووە هۆی كەمبوونەوەی زیاتر لە 2800 مێگاوات بەرهەمهێنانی كارەبا.
وه‌زاره‌ت ئاماژه‌ی به‌وه‌ش كردووه، لە ئێستادا تیمەكانی ئاگركوژینەوە سەرقاڵی كۆنترۆڵكردنی بارودۆخەكەن و لەگەڵ ئاسایبوونەوەی دۆخەكە رەوشی كارەبا ئاسایی دەبێتەوە.
کۆمێنت (0)
تا ئێستا هیچ کۆمێنتێک نەکراوە.