سه‌رۆكی هه‌رێمی كوردستان په‌یامێكی پیرۆزبایی ئاراسته‌ی ته‌واوی كاكه‌ییه‌كان كرد بۆنه‌ی هاتنه‌وه‌ی جه‌ژنی قه‌وڵتاسه‌وه.
نێچیرڤان بارزانی سه‌رۆكی هه‌رێمی كوردستان له په‌یامه پیرۆزباییه‌كه‌دا ڕایگه‌یاند "به گه‌رمی و له دڵه‌وه پیرۆزباییی جه‌ژنی قه‌وڵتاس له ته‌واوی هاووڵاتییانی خۆشه‌ویستی کاکه‌یی و یارسانان له هه‌رێمی کوردستان و عێراق و له هه‌ر کوێ بن، ده‌که‌م. هیوارم جه‌ژنێکی خۆش و ئاسووده به‌ڕێ بکه‌ن".
نێچیرڤان بارزانی ڕاشیگه‌یاند "به‌م بۆنه‌یه‌وه ئازیزانی کاکه‌یی و هاووڵاتییانمان له هه‌موو پێکهاته‌کانی کوردستان دڵنیا ده‌که‌ینه‌وه که وه‌ک هه‌میشه پشتیوان و پارێزه‌ری مافه‌کانیان ده‌بین و کوردستان هه‌ر به وڵاتی هه‌مووان و لانکه‌ی پێکه‌وه‌ژیان و فره‌یی و لێبورده‌یی ده‌مێنێته‌وه".
له كۆتایی په‌یامه‌كه‌یدا سه‌رۆكی هه‌رێمی كوردستان دووپاتی كرده‌وه كه "جه‌ژن له هه‌مووان پیرۆز بێت، هه‌موو ساڵێک به خۆشی".
کۆمێنت (0)
تا ئێستا هیچ کۆمێنتێک نەکراوە.