فڕۆكه جه‌نگییه‌كانی توركیا له بۆردومانه‌كانی ئه‌مڕۆدا، پڕۆژیه‌كی به‌خێوكردنی مه‌ڕوماڵاتیان له گوندی سه‌ره‌گه‌لێ كردۆته ئامانج و به‌هۆیه‌وه ته‌واوی پڕۆژه‌كه له‌ناو چووه.
په‌یامنێری (كوردستان تیڤی) پێی ڕاگه‌یاند: سه‌رله‌ئێواره‌ی ئه‌مڕۆ پێنجشه‌م فڕۆكه جه‌نگییه‌كانی توركیا بۆردومان چه‌ند ناوچه‌یه‌كیان له نزیك گوندی سه‌ره‌گه‌لێ له سنووری شاره‌دێی دێره‌لووك و شارۆچكه‌ی ئامێدییان كرد.
ڕاشیگه‌یاند: له ئه‌نجامی بۆردومانی فڕۆكه جه‌نگییه‌كان، پڕۆژه‌یه‌كی به‌خێوكردنی مه‌ڕوماڵاتی هاووڵاتییه‌كی گوندی سه‌ره‌گه‌لێ كراوه‌ته ئامانج و له ئه‌نجامیشدا ته‌واوی پڕۆژه‌كه له‌ناو چووه و زیانێكی زۆری ماددی كه‌وتۆته‌وه.
په‌یامنێرمان ئاماژه‌ی به‌وه‌ش دا كه خۆشبه‌ختانه بۆردومانه‌كه زیانی گیانی لێ نه‌كه‌وته‌وه، چونكه خاوه‌نی پڕۆژه‌كه چه‌ند رۆژێك بوو به‌هۆی مه‌ترسییه‌كانه‌وه، سه‌رجه‌م مه‌ڕوماڵاته‌كانی گواستبووه‌وه بۆ ناو گوند.
شیلادزێ / به‌شار عه‌لی
ڤیدیۆ: سات و شوێنی بۆردومانی پڕۆژه مه‌ڕوماڵاته‌كه له گوندی سه‌ره‌گه‌لێ
کۆمێنت (0)
تا ئێستا هیچ کۆمێنتێک نەکراوە.