هاتووچۆی سلێمانی ئاگادارییه‌كی له باره‌ی كامێرا جێگیره‌كانی سنووری پارێزگای سلێمانی بڵاوكرده‌وه.
ئه‌مڕۆ هه‌ینی 19ی1ی2024، بەڕێوەبەرایەتی هاتوچۆی سلێمانی بڵاویكرده‌وه، ئاگاداری سەرجەم شۆفێران دەکه‌ین کە لە ڕۆژی سێ شەممە ڕێکەوتی 23/01/2024 کاتژمێر 10:00ی سەرلەبەیانییەوە کامێرا جێگیرەکانی ناو سنووری پارێزگاكه‌مان دەکەونە بواری جێبەجێکردن و تۆمارکردنی سەرپێچی خێرایی.
به‌ڕێوه‌به‌رایه‌تییه‌كه ئاماژه‌ی به‌وه‌ش كردووه، داوا لەسەرجەم شۆفێران دەکەین پابەندی ئەو خێراییە دیاریکراوانە بن کە لەسەر شەقامەکان بۆیان دیاریکراوە بەپێی هێما و تابلۆکانی هاتووچۆ.
هاتووچۆی سلێمانی راشیگه‌یاندووه، وەک بەرچاو ڕوونیەک بۆ هەموو لایەک ئەم کامێرایانە سیستەمی پۆینت تو پۆینت نییە و بە سیستەمی یەک خاڵ خێراییەکان تۆمار دەکات.
کۆمێنت (0)
تا ئێستا هیچ کۆمێنتێک نەکراوە.