سوپای ئیسرائیل ڕایگەیاند ئەمڕۆ سێشەممە لە میانی شەڕ و پێکدادانەکاندا لە ناوەڕاستی کەرتی غەززە، نۆ ئەفسەر و سەربازی ئیسرائیل کوژراون.
سوپای ئیسرائیل لە ڕاگەیەندراوێکدا بڵاویكردەوە کە پێنج ئەفسەر و سەربازی ئیسرائیل لە میانی شەڕ و پێکدادانەکاندا لە ناوەڕستی کەرتی غەززە کوژراون و سەربازێکی دیکەش برینداربووە.
هەروەها بەیانی ئەمڕۆ سێشەممە، سوپای ئیسرائیل ڕایگەیاندبوو کە چوار ئەفسەری ھێزەکانیان لە میانی شەڕ و پێکدادانەکاندا لە کەرتی غەززە کوژراون و سێی دیکەش برینداربوون.
بەپێی دوایین ئاماری سوپای ئیسرائیل، ژمارەی ئەو ئەفسەر و سەربازە ئیسرائیلییانەی کە لە 7ی تشرینی یەکەمەوە تا ئێستا لە شەڕ و پێکدادانەکاندا لە کەرتی غەززە کوژراون، بەرزبووەتەوە بۆ 519 ئەفسەر و سەرباز، لەو ژمارەیە 185یان لە میانی ھێرشی زەمینی ئیسرائیل بۆ سەر کەرتی غەززە کوژراون.
کۆمێنت (0)
تا ئێستا هیچ کۆمێنتێک نەکراوە.