زانیاری له‌سه‌ر ئاگره‌كه‌ی ئه‌مشه‌وی ماجدی مۆڵ له‌ هه‌ولێر

گوته‌بێژی به‌رگریی شارستانی هه‌ولێر تایبه‌ت بۆ (كوردستان تیڤی) زانیاری له‌سه‌ر ئه‌و ئاگره‌ ئاشكرا كرد كه‌ ئه‌مشه‌و له‌ گراند ماجدی مۆڵ له‌ هه‌ولێر كه‌وته‌وه‌.

كاروان عه‌لی گوته‌بێژی به‌رگریی شارستانی هه‌ولێر ڕایگه‌یاند: ئاگره‌كه‌ ته‌نیا له‌ دووكانێكی جلوبه‌رگ و بۆن كه‌وتۆته‌وه‌ نه‌ك هه‌موو مۆڵه‌كه‌.

ڕاشیگه‌یاند: تیمه‌كانمان هه‌ر زوو گه‌یشتنه‌ شوێنی ڕووداوه‌كه‌ و توانیان له‌ ماوه‌یه‌كی زۆر كه‌مدا ئاگره‌كه‌ كۆنتڕۆڵ بكه‌ن.

كاروان عه‌لی ئاماژه‌ی به‌وه‌ش دا كه‌ ئاگره‌كه‌ ته‌نیا زیانی ماددی هه‌بووه‌ و هیچ زیانێكی گیانی لێ نه‌كه‌وتۆته‌وه‌.

گوته‌بێژی به‌رگریی شارستانی هه‌ولێر بۆ (كوردستان تیڤی) جه‌ختیشی كرده‌وه‌ كه‌ ئاگره‌كه‌ به‌ ته‌واوی كۆنتڕۆڵ كراوه‌ و ئێستا هیچ مه‌ترسییه‌ك له‌سه‌ر دووكانه‌كانی دیكه‌ی ناو مۆڵه‌كه‌ نه‌ماوه‌.

هه‌ولێر / هه‌ژار حه‌كیم