له راگه‌یاندراوێكدا، وەزارەتی پێشمەرگەی حكومه‌تی هه‌رێمی كوردستان، سەر کۆنەی هێرشکردنە سەر بارەگایەکی هێزەکانیان لە سنووری پارێزگای هەولێر دەکات.
وه‌زاره‌تی پێشمه‌رگه له‌سه‌ر هێرشی درۆنی بۆمبڕێژكراو بۆ سه‌ر باره‌گایه‌كی پێشمه‌رگه راگه‌یاندراوێكی بڵاوكرده‌وه، كه تێیدا ئاماژه‌ی به‌وه كردووه، بە توندی سەرکۆنەی هێرشی درۆنی بۆمبڕێژکراو بۆسەر بارەگایەکی هێزی پێشمەرگەی کوردستان دەکەین، کە لە بەرواری30ی12ی2023، لە سنوری پیرمام-هەولێر لەلایه‌ن گروپە لە یاسا دەرچوەکان ئەنجام درا.
وه‌زاره‌ت رایده‌گه‌ێنێت، سەقامگیری، ئارامی و ئاسایشی هەرێمی کوردستان، زامنی ئارامی و سەقامگیری عێراق و ناوچەکەشە.
ئاماژه به‌وه‌ش كراوه، ئێمە لەوەزارەتی پێشمەرگە، بانگی حکومەتی عێراقی و تەواوی دۆستانمان لە هاوپەیمانی نێودەوڵەتی دەکەین، کە هاوكارو پاڵپشتمان بن بۆ راگرتنی ئەو پەلامارە نابەرپرسانە. کە دەبێتە هۆی ئاشووبی زیاتر بۆ هەرێم و عێراق و ناوچەکە بە گشتی.
وه‌زاره‌تی پێشمه‌رگه‌ی حكومه‌تی هه‌رێمی كوردستان راشی گه‌یاندووه، داوا دەكەین کە هەرچی زووە بکەرانی ئەو کارە تیرۆریستیانە بدۆزرێنەوە و بە سزای یاسایی خۆیان بگەنرێن.
له كۆتاییدا راگه‌یاندراوه، هێزی پێشمەرگەی کوردستان، وەک هەمیشە بۆ پاراستنی خاک و میللەتەکەمان، مافی بەرپەرچدانەوەی پێویست و گونجاوی دەبێت.
کۆمێنت (0)
تا ئێستا هیچ کۆمێنتێک نەکراوە.