سەرۆكوەزیرانی ئیسڕائیل: لەجەنگی غەززە باجی قورسمان داوە

سەرۆكوەزیرانی ئیسڕائیل دەڵێت: سەرەڕای فشارەكان بەردەوام دەبین لە پێكانی ئامانجەكان لە غەززە. 
بنیامین نەتەنیاهۆ ،سەرۆكوەزیرانی ئیسرائیل رایگەیاند، هیچ دانوستانێك لەگەڵ حەماس ناكەن و لە فشاركردن بەردەوام بۆ ئازادكردنی بارمتەكان دەبن .
 ڕاشیگەیاند: راستە باجێكی قورسیان داوە، بەڵام بێگومان كاتی زیاترمان دەوێت بۆ سەركەوتن. نەتەنیاهۆ ئاماژەی بەوەشكرد، ئیسرائیل رەزامەندی نادات لەسەر دانوستانكردن لەگەڵ حەماس.
هەروەها گوتی: سوپای وڵاتەكەشمان بەردەوام دەبێت لەهەوڵەكانی بۆ گەڕاندنەوەی بارمتەكان بۆ ماڵەكانیان و لەناوبردنی حەماس.
سەرۆكوەزیرانی ئیسڕائیل ئەوەشی خستەڕوو، بەهەمو هێزیانەوە لە جەنگی باكوور كاردەكەن و بە شێوەیەكی پێشبینی نەكراو هێرش دەكەنە سەر حزبوڵڵا.
 گوتیشی: فشاری نێودەوڵەتی لە ئیسرائیل دەكرێت، بەڵام بەردەوام دەبن لە پێكانی ئامانجەكانیان لە غەززە و ئەمریكاش پشتیوانیان لێدەكات.
.