فڕۆكەیەكی سەر بە هێزی ئاسمانی سوپای پاسداران لە باشووری ئێران كەوتە خوارەوە

كەوتنە خوارەوە فڕۆكەیەكی جەنگی جۆری Su-22 لە ویلایەتی فارس باشووری ئێران ڕاگەیاندرا.
تەلەڤیزیۆنی فەرمی ئێران ڕاگەیاند، فڕۆكەیەكی جەنگی جۆری Su-22 لە شارۆچكەی كازرون لە ویلایەتی فارس باشووری ئێران و نزیك دەریاچەی پەرێشان كەوتووەتە خوارەوە.
بە پێی ئەم هەواڵە، فڕۆكەوانەكە بە پەڕەشووت خۆی دەرباز كردووە و بۆیەش ڕووداوەكە هیچ زیانێكی گیانی لێ نەكەوتووەتەوە.
لەبارەی ڕووداوەكەa تا ئێستا هیچ زانیارییەكی دیكە ئاشكرا نەكراوە.
هەر لەم بارەیەوە ئاژانسی نیمچە فەرمی "تەسنیم" بڵاوی كردووەتەوە كە فڕۆكە جەنگییەكە سەر بە هێزی ئاسمانی سوپای پاسدارانی ئێران بووە.
فڕۆكەی جەنگی Su-22 جۆرێكی نوێ و پێشكەوتووی فڕۆكەكانی جەنگی Su-17یە كە لە لایەن ڕووسیاوە دروست كراوە و ئێران بەكاریان دەهێنێت.