شەپۆلێكی بەفربارین و تەمێكی چڕ باڵی بەسەر هەر سێ پارێزگاكانی ئەرزەڕۆم، قەرس و ئەردەخان لە كوردستانی توركیادا داكێشاوە.
سەرما و سۆڵە لە ئەرزەڕۆم كە چەند ڕۆژێكە ناوەندی شارەكە و ناوچەكانی دەوروبەری گرتووەتەوە و هاوكات بارینی بەفرێكی زۆریشی بەدوادا بووە.
لە قەرس، بەفر بارین جارێكی دیكە لە شەوی ڕابردووە دەستی پێكرد و بێ پسانەوە بەردەوامە و ناوەندی شارەكە و شوێنە مێژووییەكانی سپی پۆش كرد.
هاوكات تەمێكی چڕ لە سەر ڕێگەی قەرس- ئیدر ئاستەنگی بۆ هاووڵاتیان دروست كرد و بە ڕادەیەك كە ئاستی بینین بۆ 20 مەتر دابەزیبوو.
شارۆچكەی ساریكامیش سەر بە پارێزگای قەرس كە ساڵانە بەفرێكی زۆری لێ دەكەوێت، بەفری لێ باری و ئەستووری بەفر گەیشتە 20 سانتی مەتر.لە ئەردەخانیش بەفر ئاستەنگی بۆ هاتوچۆی هاووڵاتیان دروست كرد.
کۆمێنت (0)
تا ئێستا هیچ کۆمێنتێک نەکراوە.