ژماره‌یه‌ك هاووڵاتی كورد له كوردستانی ئێران له سێداره‌دران.
رێكخراوی هه‌نگاو بۆ مافه‌كانی مرۆڤ رایگه‌یاند، سزای سێدارەی لانی کەم 4 بەندکراو کە دوویان کورد بوون بە ناوەکانی موجتەبا ئەمیری، مەنووچێهر بەرزەگەر، ساسان مەلەکی و مەهدی مورادی، لە بەندیخانەی ناوەندیی کەرەج جێبەجێ کرا.
رێكخراوه‌كه رایده‌گه‌ێنێت، موجتەبا ئەمیری تەمەن 42 ساڵ و مەنووچێهر بەرزگەر تەمەن 40 ساڵ و هەر دوو خەڵکی شاری هەرسین سەر بە پارێزگای کرماشان لەگەڵ دوو بەندکراوی دیکە بە ناوەکانی مەهدی مورادی خەڵکی ئەراک و و ساسان مەلەکی، لە بەندیخانەی ناوەندیی شاری کەرەج سزای لەسێدارەدانیان جێبەجێ کرا.
بە وتەی سەرچاوەیەکی ئاگادار كه به‌هه‌نگاوی راگه‌یاندووه، ئەو چوار بەندکراوە پێشتر بە تۆمەتی پەیوەندیدار بە ماددە هۆشبەرەکان لەلایەن هێزە ئەمنییەکانەوە دەستگیركراون و دواتر لەلایەن دەزگای دادوەریی ئێرانەوە سزای سێدارەیان بەسەردا سەپاوە.
له كۆتاییدا رێكخراوه‌كه رایده‌گه‌ێنێت، تاکوو کاتی داڕشتنی ئەم هەواڵە، هەواڵی لەسێدارەدانی ئەو چوار بەندکراوە لە ڕاگەیاندنەکانی ئێران و بەتایبەتی ڕاگەیاندنەکانی نزیک لە دەزگای دادوەریی بڵاو نەکراوەتەوە.
کۆمێنت (0)
تا ئێستا هیچ کۆمێنتێک نەکراوە.