بەفر بارین ڕێگەی نێوان 146 ناوچەی نیشتەجێبوونی سێ پارێزگای توركیای داخست

بە هۆی ئەو شەپۆلە بەفر بارینەی هەر یەكە لە پارێزگاكانی ئەرزەڕۆم، ئەردەخان و قەرسی گرتووەتەوە، ڕێگەی نێوان 146 ناوچەی نیشتەجێبوون داخرا.
لە ئەرزەڕۆم ڕێگەی نێوان 138 گەڕەك و ئاوایی بە هۆی بارینی بەفرەوە داخراوە و تیمەكانی سەرۆكایەتی شارەوانیش سەرقاڵی پاككردنەوە و كردنەوەی ڕێگەكانن.
لە ئەردەخان پێنج گوند پەیوەندییان بە یەكەوە نەماوە و هاتوچۆ داخراوە و تیمەكانیش بەردەوامن لەسەر ئەركەكانیان بۆ كردنەوەی ڕێگەكان.
بەفر بارین لە قەرسیش بووە هۆی داخستنی ڕێگەكان و هاتوچۆی نێوان سێ گوند بە تەواوی داخرا. بە هۆی ئەو شەپۆلە بەفر بارینەی ڕووی لە ناوچەكە كردووە، ئاستەنگی هاتوچۆ بۆ ئەو گوندانە دروست بووە كە شوێنەكەیان بەرزە.