بەهۆی بارینی بەفر ڕێگەی هاتووچۆی نێوان 142 ناوچەی نیشتەجێبوون لە وان داخراوە

بەهۆی بارینی بەفرێكی زۆر ڕێگەی هاتوچۆی نێوان 142 ناوچەی نیشتەجێبوون لە وان داخراوە.
دوو ڕۆژە شەپۆلێكی بەفربارین ڕووی لە ناوچەكانی وان كردووە و ئەمڕۆش بەفربارینەكە بەردەوام بووە.
بە پێی ڕاگەیاندراوێكی سەرۆكایەتی شارەوانی وان، بەهۆی خراپی كەشوهەوا گرفت لە هاتوچۆی هەندێك ناوچە دروست بووە و ڕێگەی هاتوچۆی نێوان 142 ناوچەی نیشتەجێبوون داخراوە.
تیمەكانی شارەوانی لە ناوەندی شارەكە و شەقامەكان و ناوچەكانی دەوروبەر سەرقاڵی پاككردنەوەی ڕێگەوبانن.
بەفرەكە هەموو ناوچەیەك لەوانەش شوێنە مێژوویی و سەیرانگاكانی سپی پۆش كردووە و لە شارەكان دوكاندار و خاوەن پیشەكان بەردەم دوكانیان خاوێن كردەوە و لە گوندەكانیش ئاژەلداران لەم دۆخەدا ناچاربوون ئاژەڵەكان بڵەوەڕێنن.
هەروەها ئەو شەپۆلە سەرمایە و بارینی بەفرێكی زۆر لە هەریەكە لە پارێزگاكانی ئەرزەڕۆم، قەرس و ئەردەخان لە وەزری پاییزدا خەڵك وەبیر "زستانی تاریك" دەهێنێتەوە.
ئەو شەپۆلە بەفرەی كە لە دوا مانگی پاییزدا هەریەكە لە ئەرزەڕۆم، قەرس و ئەردەخانی گرتووەتەوە، ئەمڕۆ لێی كردەوە و جێی خۆی بە هەوایەكی سارد دا.
لە ئەزەڕۆم ئەستووری بەفر گەیشتووەتە 28 سانتی مەتر و پلەكانی گەرمی لە شەودا بۆ خوار چوار پلەی سەدی دابەزیون.
لە ئەردەخانیش بە هۆی سەرما و سۆڵە ڕێگەكان بەستوویەتی و ئاستەنگی بۆ هاتوچۆ دروست كرد.