ئه‌مڕۆ دووشه‌م هاووڵاتییانی پارێزگه‌ی دیوانییه به‌هۆی نه‌بوونی خزمه‌تگوزارییه‌كان ده‌ستیان به خۆپیشاندان كرد و به‌شێك له ڕێگه سه‌ره‌كییه‌كانی پارێزگه‌كه‌یان گرت.
له دوای نیوه‌ڕۆی ئه‌مڕۆ دووشه‌مه‌وه سه‌دان هاووڵاتی گه‌ڕه‌كێكی پارێزگه‌ی دیوانییه گردبوونه‌ته‌وه به‌هۆی نه‌بوونی خزمه‌تگوزارییه‌كان له گه‌ڕه‌كه‌كه‌یان و ته‌واوی پارێزگه‌ی دیوانییه.
خۆپیشانده‌ران شه‌قامی سه‌ره‌كی نێوان شاری حیله و كه‌ربه‌لایان گرتووه و دوای به‌ڵێنی به‌رپرسانی پارێزگه‌كه‌یان ده‌كه‌ن بۆ گه‌یاندنی خزمه‌تگوزارییه‌كان.
به‌شێكی زۆری گه‌ڕه‌كه‌كانی پارێزگه‌ی دیوانییه كێشه‌ی نه‌بوونی شه‌قام و تۆڕه‌كانی ئاوه‌ڕۆ و بنكه‌ی ته‌ندروستی و قوتابخانه و ده‌یان كێشه‌ی تریان هه‌یه و تا ئێستاش به‌رپرسانی پارێزگه‌كه وه‌ڵامی داخوازییه‌كانیان نه‌داونه‌ته‌وه.
کۆمێنت (0)
تا ئێستا هیچ کۆمێنتێک نەکراوە.