ئیسڕائیل بۆردومانی نه‌خۆشخانه‌ی توركی له‌ غه‌ززه‌ كرد

ئه‌مڕۆ دووشه‌م له‌ كه‌رتی غه‌ززه‌ نه‌خۆشخانه‌ی توركی له‌لایه‌ن سوپای ئیسڕائیله‌وه‌ به‌ چڕی بۆردومان كرا و به‌هۆیه‌وه‌ زه‌ره‌ر و زیانێكی زۆر به‌ر نه‌خۆشخانه‌كه‌ كه‌وت‌.

سوبحی سكیك به‌ڕێوه‌به‌ری نه‌خۆشخانه‌ی توركی ڕایگه‌یاند: ئه‌مڕۆ له‌لایه‌ن سوپای ئیسڕائیله‌وه‌ به‌ چڕی بۆردومانی نه‌خۆشخانه‌كه‌مان كرا و به‌هۆیه‌وه‌ نهۆمی سێیه‌می  نه‌خۆشخانه‌كه‌ زه‌ره‌ر و زیانێكی زۆری به‌ركه‌وت.

ئاماژه‌ی به‌وه‌ش دا كه‌ له‌ كاتی بۆردومانه‌كه‌دا 150 نه‌خۆش له‌نێو نه‌خۆشخانه‌كه‌دا بوون و ترس و دڵه‌ڕاوكێیه‌كی زۆر له‌سه‌ر نه‌خۆش و پزیشك و كارمه‌نده‌كان دروستبووه‌.

ڕاشیگه‌یاند: جگه‌ له‌ زیانگه‌یاندن به‌ باڵه‌خانه‌ی نه‌خۆشخانه‌كه‌، چه‌ند ئامێرێكی پزیشكی و بوتڵی ئۆكسجینیش تێكشكاون.

به‌ڕێوه‌به‌ری نه‌خۆشخانه‌ی توركی نه‌یگوت كه‌ ئایا به‌هۆی بۆردومانه‌كان زیانی گیانی یاخود بریندار كه‌وتۆته‌وه‌ یاخود نا.