پاپای ڤاتیكان ئه‌مڕۆ یه‌كشه‌م داوای له هه‌ردوو لایه‌نی شه‌ڕكه‌ر ئیسڕائیل و بزووتنه‌وه‌ی حه‌ماس كرد، شه‌ڕ ڕابگرن.
پاپا فڕه‌نسیس پاپای ڤاتیكان له وتاری هه‌فتانه‌یدا له گۆڕه‌پانی بتڕوس گوتی: دیسان ده‌ڵێینه‌وه خوشك و برایان شه‌ڕ ڕابگرن، شه‌ڕ ڕابگرن و شه‌ڕ ڕابگرن، چونكه شه‌ڕ هه‌میشه دۆڕانه.
گوتیشی: نابێت هیچ لایه‌ك ده‌ستبه‌رداری ڕاگرتنی شه‌ڕ بێت.
ئه‌مه له‌كاتێكدایه كه ماوه‌ی چه‌ند رۆژێكه بۆردومان و هێرشه‌كانی سوپای ئیسڕائیل بۆ سه‌ر حه‌ماس و گرووپه چه‌كداره‌كانی فه‌ڵه‌ستین له كه‌رتی غه‌ززه چڕتر و فراوانتر بووه و به‌گوێره‌ی دوایین ئاماریش ژماره‌ی كوژراوان 9 هه‌زار كه‌سی تێپه‌ڕاندووه.
کۆمێنت (0)
تا ئێستا هیچ کۆمێنتێک نەکراوە.