بزانە نرخی دۆلار لە هەولێر و بەغدا گەیشتووەتە چەند؟

ئەمڕۆ یەكشەممە نرخی دۆلار لە بازاڕەكانی بەغدا و هەولێری پایتەختی هەرێمی كوردستان دابەزینی بەخۆیەوە بینی.
لەگەڵ كردنەوەی بۆرسەكانی كیفاح و حورییە لەبەغدا، نرخی دۆلار دابەزینی بەخۆیەوە بینی و بە 161 هەزار و 300 دینار بەرامبەر بە 100 دۆلار تۆماركرا، لەكاتێكدا دوێنێ شەممە، نرخی 100 دۆلار 161 هەزار و 500 دینار بوو.
لە نووسینگەكانی ئاڵوگۆڕ دراویش لە بازاڕە ناوخۆییەكانی بەغدا نرخی نرخی فرۆشتنی 100دۆلار گەیشتووەتە 162 هەزار و 250 دیناری عێراقی، هاوكات نرخی كڕین بۆ هەر 100 دۆلارێك گەیشتووەتە 160 هەزار و 250 دینار.
سەبارەت بە هەولێریش، دۆلار دابەزینێكی كەمی تۆماركرد، بەو پێیەی نرخی فرۆشتنی 100 دۆلار گەیشتە 161 هەزار و 300 دینار .