له بۆندس لیگادا بایرن میونشن سه‌ركه‌وتنێكی گه‌وره‌ی به‌سه‌ر ئێس ڤی دارمشتات تۆماركرد.
ئێواره‌ی ئه‌مڕۆ شه‌ممه 28ی10ی2023، له گه‌ڕی 9ی خولی پله‌یه‌كی ئه‌ڵمانیا بایرن میونشن میوانداری ئێس ڤی دارمشتات كرد.
بایرن میونشن له میوانداری كردی ئێس ڤی دارمشتات توانی سه‌ركه‌وتنێكی گه‌وره تۆمار بكات به ئه‌نجامی 8 گۆلی بێ به‌رامبه‌ر براوه‌ی یارییه‌كه بوو.
گۆله‌كانیش له رێگای هه‌ریه‌ك له یاریزانان، هاری كه‌ین، لێرۆی سانێ،جەمال موسیالە، لێرۆی سانێ،هاری كه‌ین،تۆماس مۆلەر،جەمال موسیالە،هاری كه‌ین، له خوله‌كه‌كانی( 88،76،71،69،64،60،56،51) تۆماركرا.
هه‌ر له یارییه‌كه‌دا هه‌ریه‌ك له یاریزانان کلاوس گجاسولا و ماتێج ماگلیکا له خوله‌كه‌كانی 21 و 41 به‌كارتی سوور ده‌ركران، یاریزان کیمیچ له بایرن میونشن له خوله‌كی چوار به كارتی سوور ده‌ركرا.
به‌م سه‌ركه‌وتنه‌ش بایرن به 23 خاڵ له پله‌ی یه‌كه‌می ریزبه‌ندی خولدایه و ئێس ڤی دارمشتاتیش به 7 خاڵ له پله‌ی چوارده‌م دایه.
کۆمێنت (0)
تا ئێستا هیچ کۆمێنتێک نەکراوە.