Erbil 36°C چوارشەممە 24 تەمووز 22:18

چۆن منداڵەكانمان لەتوشبوون بە هەڵامەت بپارێزین

کوردستان TV
100%


بەشێوەیەكی گشتی نەخۆشی هەڵامەت پێویستی بەدەرمان و چارەسەرێكی ئەوتۆ نیە چونكە نەخۆش خۆی چاك دەبێتەوە، باشتروایە لەكاتی هەڵامەتدا شلەمەنی و میوە زیاتر بدرێت بە منداڵ و چاودێری ( تا )ی بكرێت. 

لەهەندێك نەخۆشدا نیشانەكان قورسن و نەخۆش بە تەواوی ماندوو دەكات و پێوستە چارەسەر وەربگرێت ئەمەش بۆ كەمكردنەوەی هەندێك لە نیشانەكانی نەخۆشیەكە وەك سەرئێشە و تا و لووت گیران.

تارادەیەك دەتوانرێت منداڵەكانمان لەتوشبوون بە نەخۆشی هەڵامەت بپارێزین، ئەویش بە شیرپێدانی سروشتی دایك چونكە دەركەوتوە ئەو منداڵانەی شیری دایكیان دەخۆن كەمتر دووچاری هەوكردنی كۆئەندامی هەناسە دەبن و بەرگری لەشیان بەهێزترە، هەروەها لەكاتێكدا ئەندامێكی خێزان بەتایبەت كاتێك گەورەكان تووشی هەڵامەت دەبن پێویستە لەكاتی كۆكە و پژمیندا دەم و لووتیان داپۆشن و نەبنە هۆكار بۆ توشبوونی خێزان و چواردەورەكەیان و زوو زوو دەست شۆردن بە ئاو و شامپۆ لەگەڵ دابینكردنی سەرچاوەی خواردن و ئاوی پاك بۆ منداڵ.
 
ژێده‌ر-  تەندروستی سلێمانی

تەندروستی

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.