ئه‌مشه‌و هه‌ینی فڕۆكه جه‌نگییه‌كانی ئیسڕائیل ده‌ستیان به هێرشێكی چڕ و گه‌وره كردووه بۆ سه‌رجه‌م ناوچه‌كانی كه‌رتی غه‌ززه، سوپای ئیسڕائیل ده‌ڵێت ئیتر له‌مشه‌وه‌وه جه‌نگی غه‌ززه پێ ده‌نێته قۆناغێكی نوێوه.
هێرشه ئاسمانییه چڕه‌كه‌ی ئه‌مشه‌وی سوپای ئیسڕائیل ماوه‌ی كاتژمێرێكه ده‌ستی پێ كردووه و بۆردومانی سه‌رجه‌م ناوچه‌كانی كه‌رتی غه‌ززه ده‌كرێت.
میدیاكانی فه‌ڵه‌ستین ئاماژه‌یان به‌وه‌داوه كه له ئه‌نجامی هێرشه‌كه‌ی ئه‌مشه‌وی فڕۆكه جه‌نگییه‌كانی ئیسڕائیل، هێڵه‌كانی په‌یوه‌ندی و ئینته‌رنێت به‌ته‌واوی له غه‌ززه پچڕاوه.
لای خۆشییه‌وه سوپای ئیسڕائیلیش دانی به‌وه‌داناوه كه ئه‌مشه‌و هێرشێكی چڕیان بۆ سه‌ر ناوچه‌كانی غه‌ززه ده‌ست پێ كردووه و جه‌ختیشی كردۆته‌وه كه جه‌نگه‌كانیان به‌رامبه‌ر گرووپه چه‌كداره‌كانی فه‌ڵه‌ستین له‌مشه‌وه‌وه چووه‌ته قۆناغێكی نوێوه.
کۆمێنت (0)
تا ئێستا هیچ کۆمێنتێک نەکراوە.