ئومێد خۆشناو هەموو پاڵپشتیەکی پارێزگای هەولێری بۆ یانەی هەولێر دووپاتکردەوە

له‌ خولی پیشه‌گه‌رانی عێراقدا هه‌ولێر له‌یه‌كه‌م یاری خۆییدا له‌گةڵ نه‌فت یاری هه‌یه‌. 
شه‌وی رابردوو، ئومێد خۆشناو، پارێزگاری هەولێر، بە مەبەستی لە نزیکەوە ئاگاداربوون لە ئامادەکارییەکانی یانەی هەولێر بۆ وەرزی نوێی 2023 _ 2024ـی خولی ئەستێرەکانی عێڕاق کە بە بەشداری 20 یانە دوێنێ پێنجشه‌م 26ی10ی2023، دەستی پێکرد وئه‌مڕۆ هەینیش كاتژمێر 9:30ی خوله‌كی شه‌و، یانەی هەولێر لە یاریگای نێودەوڵەتی شەهید فەڕانسۆ هەریری، لە یەکەمین یاریدا لەم وەرزە بەرامبەر یانەی نه‌فت یاری دەکات، پارێزگار لەگەڵ ڕاهێنەر و یاریزانانی یانەی هەولێر کۆبۆوە.
لە کۆبوونەوەکەدا، ژماره‌یه‌ك له‌ به‌رپرسانی وه‌رزشی و لایه‌نی په‌یه‌وه‌ندیدار و سه‌رۆك  و  ئەندامانی دەستەی کارگێڕی یانەکە ئامادە بوون، پارێزگاری هەولێر، وەک هەمیشە هەموو پاڵپشتیەکی پارێزگای هەولێری بۆ یانەی هەولێر دووپاتکردەوە و ئومێدی خواست یانەی هەولێر لە وەرزی نوێی خولی ئەستێرەکانی عێراق، سەرکەوتن و دەستکەوتی مەزن و نازناوی خولەکە بەدەست بهێنێت و هیوای سەرکەوتنی بۆ ڕاهێنەر و یاریزان و سەرۆک و ئەندامانی دەستەی کارگێڕی یانەکە خواست.