تیروپشكی قۆناغی كۆمه‌ڵه‌كانی خولی یانه‌ پاڵه‌وانه‌كانی ئه‌وروپا له‌ سه‌ر ئاستی كچان راكێشرا

تیروپشكی قۆناغی كۆمه‌له‌كانی خولی یانه‌ پاڵه‌وانه‌كانی ئه‌وروپا راكێشراو چه‌ند روبه‌رووبوونه‌وه‌یه‌كی به‌هێزی تیادا ئه‌نجام ده‌درێت .
بارسێلۆنای پاڵەوانی بەرگریکار لە قۆناغی کۆمەڵەکانی خولی یانە پاڵەوانەکانی ئه‌وروپای تایبه‌ت به‌ ئافرەتان ڕووبەڕووی بەنفیکا و ڕۆزنگارد و ئینتراخت فرانکفۆرت دەبێتەوە.
بارسێلۆنا ساڵی ڕابردوو لە قۆناغی کۆمەڵەکاندا لە بەنفیکا و ڕۆزنگاردی بردەوە.
تیروپشکەکە 16 تیپی لەخۆگرتبوو، لە ئەنجامدا چێڵسی و ڕیاڵ مەدرید بۆ دووەم ساڵ لەسەریەک لە کۆمەڵەیەکدا كۆكرانه‌وه‌و یاری به‌رامبه‌ر به‌ یه‌كتری ئه‌نجام ده‌ده‌ن. 
پاریس سانجێرمان لە دوو قۆناغی پاڵاوتنەکاندا سەرکەوتنی بەدەستهێنا و گەیشتە قۆناغی کۆمەڵەکان، پاریس لە ڤۆڵفسبۆرگی بردەوە کە ساڵی ڕابردوو لە یاری کۆتاییدا بە بەرشەلۆنە دۆڕا .
یانه‌ی لیۆنی فه‌ره‌نسی و پاڵەوانی هەشت جاری خوله‌كه‌ بەرامبەر سلاڤیا پراگ و بران و سانت پۆلتن یاری دەکات.
بڕیارە قۆناغی کۆمەڵەکان لە 14ی مانگی داهاتوو دەستپێبکات و لە 31ی مانگی یەکدا کۆتایی پێبێت. لە هەر کۆمەڵەیەک دوو تیپ سەردەکەون بۆ قۆناغی چارەکی کۆتایی
بڕیارە یاریی کۆتایی لە 25ی ئایار لە شاری بلباو لە ئیسپانیا بەڕێوەبچێت.