سێ هاووڵاتی كورد له‌لایه‌ن هێزه‌ ئه‌منییه‌كانی ئێرانه‌وه‌ ده‌ستگیركران

هێزه‌ ئه‌منییه‌كانی ئێران سێ هاووڵاتی كورد ده‌ستگیرده‌كه‌ن.
رێكخراوی هه‌نگاو بۆ مافه‌كانی مرۆڤ رایگه‌یاند، رۆژی شه‌ممه‌ 16ی9ی2023، سێ هاووڵاتیی خەڵکی گوندی "نگڵ"ی سەر بە ناوچەی کڵاتەرزانی سنە، بە ناوەکانی ماهان نەساجی، تەمەن 27ساڵ، موبین پەروین، تەمەن 27 ساڵ و عادڵ (شاخەوان) میرزایی، تەمەن 35 ساڵ لەلایەن هێزەکانی ئیدارەی ئیتلاعاتەوە دەستگیركراون.
رێكخراوه‌كه‌ ئاماژه‌ی به‌وه‌شكردووه‌، کە عادل میرزایی خێزاندارە و باوکی دوو منداڵە و هەروەها ماهان نەساجی، ساڵی ڕابردووش لە ڕەوتی بزووتنەوەی "ئافره‌ت، ژیان، ئازادی"دا جارێکی دیکە بۆ ماوەیەک دەستگیركراوه‌.
رێكخراوی هه‌نگاو بۆ مافه‌كانی مرۆڤ ئاماژه‌ی به‌وه‌شكردووه‌، تاکوو کاتی داڕشتنی ئەم هەواڵە، هیچ زانیارییەکی ورد و دروست لەسەر ئەو تۆمەتانەی دراونەتە پاڵ سێ کەسە و هەروەها شوێن و بارودۆخی ڕاگیرانیان لە بەردەستدا نییە.