ئه‌نجامی چه‌ند یارییه‌ك له‌ گه‌ڕی پێنجه‌می خولی نایابی ئینگڵته‌ڕا

 
له‌ میانی ركابه‌ریه‌كانی گه‌ری پێنجه‌می خولی یانه‌كانی ئینگڵته‌را یانه‌ی وێستهام یونایتد له‌ناو یاریگای خۆی میوانداری یانه‌ی مانچێسته‌ر ستی پاله‌وانی وه‌رزی رابردووی خوله‌كه‌ی كرد و یاریه‌كه‌ش به‌سه‌ركه‌وتنی پاڵه‌وانی پریمه‌لیگ ته‌واو بوو به‌ سێ گۆڵ به‌رامبه‌ر به‌ گۆڵێك.
یاریه‌كه‌ له‌سه‌ر ستادیۆمی له‌نده‌نی ئۆلۆمپی به‌رێوه‌ چوو ، له‌ گێمی یه‌كه‌م میوانداره‌كان به‌ گۆلێك پێشكه‌وتن گۆله‌كه‌ش له‌ خوله‌كی سی و شه‌ش یاریزان جه‌یمس وارد براوس تۆماری كرد ، له‌گه‌ل ده‌ست پێكردنه‌وه‌ی‌ گێمی دووه‌م جیریمی دۆكۆ ، گۆلی یه‌كسان بوونه‌وه‌ی بۆ مانچسته‌ر ستی تۆمار كردو یاریه‌كه‌ی گه‌رانده‌وه‌ خالی سه‌ره‌تا ، له‌ خوله‌كی 76 برناندۆ سیلڤا دووه‌م گۆڵی بۆ یانه‌ی مان ستی به‌ده‌ستهێنا، به‌ر له‌ ته‌واو بوونی یاری به‌ چوار خوله‌ك ئیرلینگ هاڵاندی باشترین گۆڵكاری خوله‌كه‌ به‌ توماركردنی گۆڵی سێیه‌م ئه‌نجامه‌كه‌ی مسۆگه‌ركردوو.
 یاریش به‌سه‌ركه‌وتنی ستێزن به‌ سێ گۆڵ به‌رامبه‌ر به‌ گۆڵێك ته‌واوبو، به‌م سه‌ركه‌وتنه‌ مانچیسته‌ر ستی كۆی خاڵه‌كانی له‌ پله‌ی یه‌كه‌می ریزبه‌ندی بۆ پانزده‌ خاڵ به‌رزكرده‌وه‌ و ویست هامیش به‌ شه‌ش خاڵ له‌ پله‌ی شه‌شه‌مدایه‌.
  
 
هه‌ر له‌چوارچێوه‌ی یاریه‌كانی هه‌فته‌ی پێنچه‌می خولی ئینگلته‌را، یانه‌ی لیڤه‌رپول له‌ ده‌ره‌وه‌ی یاریگای خۆی له‌ ئه‌نجامه‌ باشه‌كانی به‌رده‌وامه‌و ئه‌مجاره‌شیان به‌ سێ گۆڵ به‌رامبه‌ر به گۆڵێك له‌ یانه‌ی وولفرهامپتۆنی برده‌وه‌.
هوانگ هی تشانگ له‌ خوله‌كی حه‌وته‌می یاریدا گۆڵی پێشكه‌وتنی بۆ یانه‌كه‌ی تۆماركردوو گێمی یه‌كه‌م به‌ پێشكه‌وتنی وولفرهامپتۆن ته‌واوبوو ، به‌ڵام له‌ گێمی دووه‌مدا یاریزانانی یانه‌ی لیڤه‌رپول به‌ هێزه‌وه‌ ده‌ستیان به‌ یاری كردوو توانیان هه‌ر زوو له‌ خوله‌كی 55 له‌ رێگای كۆدوی جاكپۆ گۆڵی یه‌كسانبوونه‌وه‌ توماربكه‌ن.
 له‌ خوله‌كی 85 ئه‌ندرۆ رۆبرتستۆن گۆڵی دووه‌م و پێشكه‌وتنی بۆ لیڤه‌رپول به‌ده‌ستهێنا، له‌ دوا خوله‌كه‌كانی زیادكراوی یاریشدا هۆگۆ بۆینۆ به‌ هه‌ڵه‌ گۆڵی سێیه‌می بۆ لیڤه‌رپول له‌سه‌ر یانه‌كه‌ی توماركرد ، یاریش به‌سه‌ركه‌وتنی لیڤه‌رپول به‌ سێ گۆڵ به‌رامبه‌ر به‌ گۆڵێك به‌ كۆتاهات.
 به‌م سه‌ركه‌وتنه‌ لیڤه‌رپول سه‌ركه‌وت بۆ پله‌ی سێیه‌می ریزبه‌ندی به‌ سێزده‌ خاڵ و وولفرهامپتۆنیش به‌ كۆكردنه‌وه‌ی دوو خاڵ له‌ پله‌ی پانزده‌مدایه‌.
  

له‌  یاریگای ئۆلترافۆردیش، یانه‌ی مانچێسته‌ر یونایتد به‌ گۆڵێك به‌رامبه‌ر به‌ سێ گۆڵ به‌ یانه‌ی برایتۆنی میوانی دۆڕا، له‌ خوله‌كی 20 دانی وێلباك گۆڵی یه‌كه‌می برایتۆنی توماركردو میوانه‌كانی له‌ گێمی یه‌كه‌م پێشخست، له‌ خوله‌كی 53 باسكال گرۆز دووه‌م گۆڵی برایتۆنی به‌ده‌ستهێنا، له‌ خوله‌كی 71 جواو پێدرۆ گۆڵی سێیه‌میشی بۆ برایتۆن توماركردو یانه‌كه‌ به‌ سێ گۆڵێ بێ وه‌ڵام پێشكه‌وتن، له‌به‌رامبه‌ر دا و له‌ خوله‌كی 73 هانیبال میگبه‌ری تاكه‌ گۆڵی یانه‌ی شه‌یتانه‌ سووره‌كانی توماركرد و یاریش به‌م ئه‌نجامه‌ به‌ سێ گۆڵ به‌رامبه‌ر به‌ گۆڵێك له‌به‌رژه‌وه‌ندی برایتۆن به‌ كۆتاهات.
ه‌م سه‌ركه‌وتنه‌ برایتۆن سه‌ركه‌وت بۆ پله‌ی چواره‌می ریزبه‌ندی خوله‌كه‌ به‌ 12 خاڵ و مانچێسته‌ر یونایتد له‌ پله‌ی دوانزده‌مدایه‌ به‌ پێنچ خاڵ.
  
هه‌ر له‌ خولی ئینگلته‌را و له‌ یاریه‌كی دیكه‌ی هه‌فته‌ی پێنچه‌می خوله‌كه‌، یانه‌ی تۆتێنهام له‌ ئه‌نجامه‌ باشه‌كانی به‌رده‌وامه‌ و ئه‌مجاره‌شیان به‌ ڕیمۆنتادا له‌ شڤێلد یۆنایتدی میوانی برده‌وه‌ ، گێمی یه‌كه‌می یاری به‌ بێ گۆڵ ته‌واو بوو.
 له‌ گێمی دووه‌م و له‌ خوله‌كی 73 گۆستافۆ هامێر گۆڵی یانه‌ی شڤێلد یونایتدی توماركرد، ئه‌م ئه‌نجامه‌ به‌رده‌وام بوو تا خوله‌كی هه‌‌شتی زیادكراوی یاری ریچالیسۆنی به‌رازیلی رۆژوه‌كه‌ی شكاندو دواجار توانی ببێته‌ فریاد ره‌سی یانه‌ی تۆتنهام و گۆڵی به‌رامبه‌ر بوونه‌وه‌ی له‌ یاریدا توماركرد، دوو خوله‌ك دواتر به‌ ئه‌سیستی ریچالیسۆن ، كۆلۆسیڤێسكی توانی گۆڵی دووه‌م و سه‌ركه‌وتنی یانه‌ی تۆتێنهام توماربكات و سێ خاڵی گرنگ بۆ یانه‌كه‌ی به‌ده‌ست بێنن.
 به‌م سه‌ركه‌وتنه‌ یانه‌ی تۆتێنهام سه‌ركه‌وت بۆ پله‌ی دووه‌می خوله‌كه‌ به‌ سێزده‌ خاڵ و شڤێلد یونایتد ته‌نها یه‌ك خاڵی هه‌یه‌ و له‌ پله‌ی حه‌ڤده‌م دایه‌.
   ‌