ئێرلینگ هالاند، ئەستێرەی نەرویجی یانەی مانچێستەر سیتی ئینگلیزی بەردەوامە لە پێشكەشكردنی ئاستە بەرزەكەی.
شەوی رابردوو مانچێستەر سیتی لە یاریگای خۆیدا میوانداری فولهامی كرد و یاریەكەشی بە ئەنجامی پێنج گۆڵ بەرامبەر گۆڵێك لێ بردەوە، لە یارییەكەدا هالاند توانی هاتریك بكات و ژمارەی گۆڵەكانی لەم وەرزەی پرێمەرلیگ بۆ شەش گۆڵ بەرز بكاتەوە.
ئەستێرە نەرویجیەكە خێراترین یاریزانی پرێمەرلیگە بتوانێت بگاتە گۆڵی ژمارە چل لە دوای تەنیا سی و نۆ یاری، پێشتر هەریەك لە ئالان شیرەر و ئاندی كۆڵ دوای چل و پێنج یاری گەیشتبوونه ئەو ژمارەیە.
هالاندی تەمەن23 ساڵان هاتریكی ژمارە پێنجی تۆمار كرد لە پرێمەرلیگ كە ژمارەی هەریەك لە ڤان پێرسی، ڤان نیستەلڕۆی یەكسان كردەوە و پێش هەریەك لە محەمەد سەڵاح، فێرناندۆ تۆرێس و كارلۆس تیڤێز كەوت.
کۆمێنت (0)
تا ئێستا هیچ کۆمێنتێک نەکراوە.