ئێران مامۆستایه‌كی ئاینی كورد بۆ شه‌ش مانگی زیندانی ده‌كات

مامۆستایه‌كی ئاینی كورد له‌ كوردستانی ئێران، له‌ لایه‌ن هێزه‌ ئه‌منییه‌كانه‌وه‌ ده‌ستگیركرا.
رێكخراوی هه‌نگاو بۆ مافه‌كانی مرۆڤ رایگه‌یاند،  مامۆستا هادی ئەحمەدی، پێشنوێژ و مامۆستای قوتابخانەی زانستە ئاینییەکانی شەمسولعارفینی گوندی نجاڕ لە پاوە، لەلایەن دادگای تایبەت بە مامۆستایانی ئایینی لە کرماشان سزای شەش مانگ بەندکرانی بەسەردا سەپێندرا.
بەوتەی سەرچاوەیەکی ئاگادار، ئەم مامۆستا ئاینییە تۆمەتبار کراوە بە "پڕوپاگەندە لە دژی نیزام" و سزاکەی لە ڕۆژی 11ی 8ی 2023 بەشێوەیەکی فەرمی پێی ڕاگەیێندراوە.
لە ڕۆژی چوارشەممە 21ی8ی2023، مامۆستا هادی ئەحمەدی بانگکرابووە دادگای تایبەت بە مامۆستایانی ئایینی لە کرماشان.