راگه‌یه‌ندراوێك له‌ یانه‌ی هه‌ولێره‌وه‌

یانه‌ی وه‌رزشی هه‌ولێر راگه‌یه‌ندراوێكی بۆ ڕای گشتی بڵاوكرده‌وه‌. 
یانه‌ی هه‌ولێر رایده‌گه‌ێنێـت، ماوەیەکە هەندێك پەیجی نەناسراو لە ژێر ناوی یانەی هەولێر یاخود هاندەرانی یانه‌كه‌مان، خەریکی دژایەتی کردنێکی بێ بنەمای یانەکەمانن، تەشهیر و سوکایەتی بە سەرۆك و ئەندامانی دەستەی کارگێڕی و پیرۆزییەکانی یانەکەمان دەکەن، کە ئێمە گومان دەکەین دەستێك لە پشت ئەو کارە بێت و مەبەست لێی ناشیرین کردنی یانەی وەرزشی هەولێر بێت.
یانه‌ی هه‌ولێر راشیگه‌یاندووه‌،  لێرەوە ئاگاداری هەموو ئەو ئەکاونت و پەیجانەی لە تۆڕە کۆمەڵایەتیەکان بابەتی لەم جۆرە بڵاودەکەنەوە یاخود ئەو یاریزان و راهێنەر و کەسانەی کە هەڵدەستن بە کارێکی نەشیاوی لەم جۆرە، لە بەیانیەوە رێکاری توندی یاسایی دژی هەموو ئەوانە دەگرینەبەر کە بێڕێزی و سووکایەتیان بە یانەکەمان کردووە.
له‌ كۆتاییدا یانه‌ی هه‌ولێر ئاماژه‌ی به‌وه‌شكردووه‌، لە داهاتووشدا دژی هەموو ئەوانە دەوەستینەوە کە تۆمەتی ناڕەوا بۆ یانەکەمان هەڵدەبەستن و سووکایەتی و تەشهیر بە یانەكه‌مان.