لە ماوەی هەفتەیەكدا نزیكەی ملیارێك دۆلار خراوەتە بازار 

كۆی گشتی فرۆشی بانكی ناوەندی عێراق لە ماوەی هەفتەی ڕابردوودا نزیكەی یەك ملیار دۆلار بووە.
بانكی ناوەندی لە ماوەی هەفتەی ڕابردوودا و بۆ ماوەی پێنج ڕۆژ كە زیادكردنەكەی تێدا كرایەوە، 978 ملیۆن و 699 هەزار و 311 دۆلاری فرۆشتووە، بە ڕێژەی ڕۆژانە 195 ملیۆن و 739 هەزار و 862 دۆلار .
بەرزترین فرۆشی دۆلار لە ماوەی هەفتەی ڕابردوودا ڕۆژی یەكشەممە بووە كە 207 ملیۆن و 684 هەزار و 288 دۆلار بووە، كەمترین فرۆشیش ڕۆژی سێشەممە بووە كە 183 ملیۆن و 890 هەزار و 982 دۆلار بووە.
فرۆشی حەواڵەی دەرەكیش لە ماوەی هەفتەی ڕابردوودا 828,569,311 دۆلار بووە، كە بە بەراورد بە فرۆشی كاش بە ڕێژەی 82% زیادیكردووە، كە 150,130,000 دۆلار بووە.
سەرەڕای فرۆشتنی دۆلار بەنرخی فەرمی بە 132 هەزار دینار،كەچی ئەمڕۆ شەممە نرخی 100 دۆلاری ئەمریكی لەبازاڕە ناوخۆییەكانی بەغدا گەیشتە 155هەزار دینار.