له میانی گه‌ری یه‌كه‌می خولی یانه‌كانی ئیسپانیا یانه‌ی ریاڵ مه‌درید به سه‌ركه‌وتن ده‌ستی به ركابه‌ریه‌كانی ئه‌م وه‌رزه‌ی خوله‌كه‌ی كرد ، كاتێك له ده‌ره‌وه‌ی یاریگای خۆی و به ئه‌نجامی دوو گۆلی بێ به‌رامبه‌ر له یانه‌ی ئه‌تله‌تیك بلباوی میوانداری برده‌وه ، یاریه‌كه له هه‌رێمی باسك و له‌سه‌ر یاریگای سان مامێس به‌رێوه چوو ، له خوله‌كی بیست و هه‌شت ئه‌لڤارۆ رۆدریگۆ گۆلی یه‌كه‌می بۆ مێرنگی تۆمار كرد.
هه‌شت خوله‌ك دواترجۆد بیلنگهام یاریزانی نوێی ریاڵ مه‌درید دووه‌م گۆلی یانه‌كه‌ی تۆمار كرد و گێمی یه‌كه‌م به‌م ئه‌نجامه ته‌واو بوو ، له گێمی دووه‌میش ئه‌نجامی یاری گۆرانكاری دیكه‌ی به خۆوه نه‌بینی و ریاڵ مه‌درید یه‌كه‌م سه‌ركه‌وتن و سێ خاڵی لالیگای به‌ده‌ستهێنا .
هه‌ر له میانی به‌رێوه‌چوونی یارییه‌كانی ئه‌م گه‌ڕه‌دا كاتژمێر 10:30ی خوله‌كی ئه‌مشه‌و به‌كاتی هه‌ولێر خیتافی میوانداری یانه‌ی بارسێلۆنا ده‌كات.
ریال مه‌درید به سه‌ركه‌وتن ده‌ستی به ركابه‌رییه‌كانی ئه‌م وه‌رزه‌ی لالیگای كرد و ئه‌مشه‌ویش بارسێلۆنا ده‌بێـته میوانی خیتافی
100%
کۆمێنت (0)
تا ئێستا هیچ کۆمێنتێک نەکراوە.