کەوتنە خوارەوەی فڕۆکەیەک لە ئێران گیانلەدەستدانی دوو کەسی لێکەوتەوە

 لە ئاکامی کەوتنەخوارەوەی فڕۆکەیەکی مەشق و راهێنان لە باکووری ئێران، دوو کەس گیانیان لەدەست دا.
کەوتنەخوارەوەی فڕۆکەیەکی مەشق و راهێنان لە شاری کەرەج سەربە پارێزگای ئەلبورز باکووری ئێران، گیانلەدەستدانی دوو کەسی لێکەوتەوە.
ئاژانسی هەواڵیی فەرمی ئێران بڵاوی کردەوە، بەڕێوەبەرایەتی پەیوەندییەکان لە فڕۆکەخانەی پەیام، راگەیەندراوێکی سەبارەت بە رووداوەکە بڵاوکردووەتەوە.
لە راگەیەندراوەکەدا هاتووە ''لە ئەنجامی کەوتنەخوارەوەی فڕۆکەیەکی مەشق و راهێنان لە فڕۆکەخانەی پەیام لە شاری کەرەج، دوو کەس گیانیان لەدەستداوە''.
لە کاتێکدا زانیاریی سەبارەت بە هۆکاری کەوتنەخوارەوەی فڕۆکەکە نەخراوەتەڕوو، باس لەوە کراوە کە لێکۆڵینەوە لە رووداوەکە دەستی پێ کردووە.