ئه‌مڕۆ یه‌كشه‌م له ویلایه‌تی ئۆهایۆ له وڵاتی ئه‌مه‌ریكا، هه‌لیكۆپته‌رێك به‌ر ته‌لێكی كاره‌با ده‌كه‌وێت و ده‌كه‌وێته خواره‌وه، له ئه‌نجامی ڕووداوه‌كه‌ش فڕۆكه‌وانه‌كه گیان له‌ده‌ست ده‌دات و چه‌ند رووداوێكی هاتوچۆش دروست ده‌كات.
ڕووداوه‌كه له شه‌قامێكی خێرای شاری كلارك له ویلایه‌تی ئۆهایۆ ڕوویداوه و تێیدا هه‌لیكۆپته‌ری جۆری (بێڵ 206 ئێڵ) به‌هۆی نزمی فڕینه‌وه خۆی به ته‌لێكی كاره‌با داداوه و كه‌وتۆته خواره‌وه.
پۆلیسی ویلایه‌تی ئۆهایۆ ئاشكرای كرد كه فڕۆكه‌وانه‌كه ده‌موده‌ست و هه‌ر له شوێنی ڕووداوه‌كه گیانی له‌ده‌ستداوه.
به‌هۆی ئه‌وه‌ی فڕۆكه‌كه له شه‌قامێكی خێرا كه‌وتۆته خواره‌وه، بۆته هۆی دروستبوونی چه‌ند ڕووداوی هاتوچۆش و 7 ئۆتۆمبێل خۆیان به‌یه‌كداداوه.
کۆمێنت (0)
تا ئێستا هیچ کۆمێنتێک نەکراوە.