ساڵانە و لە رۆژانی پێش ھاتنی جەژنەكاندا، بازاڕی شارەكانی ھەرێمی كوردستان بەتایبەت شارە گەورەكان زیاتر دەبوژێنەوە و ژمارەیەكی زۆری ھاووڵاتییان بۆ كڕینی پێداویستییەكانی جەژن روو لە بازاڕەكان دەكەن و تا درەنگانی شەو بازاڕ و دوكانەكان بە رووی ھاووڵاتییاندا كراوەن.
لە رۆژانی پێش جەژندا فرۆشیارانی شیرینی و چەرەزات بازاڕیان گەرمترە بەراورد بە زۆر فرۆشیاری دیكە و نرخەكانیان گران نەكردووە و ھەر وەك ساڵانی رابردوو دەیفرۆش.
لەمبارەیەوە عومەر عەبدوڵڵا، خاوەن دوكانی چەرەزات و چكلێت و شرینی لە بازاڕی سلێمانی، گوتی: لەئێستادا بازاڕمان زۆر باشە و خەڵكێكی زۆر بۆ كڕینی پێدوایستییەكانی جەژنی قوربان بەتایبەتی كڕینی چەرەزات، چوكلێت و شرێنی روو لە بازاڕ دەكەن".
باسی لەوەیش كرد كە نرخی چەرەزات، چوكلێت و شرینی وەك ساڵانی ھیچ گۆڕانكاریی بەسەردا نەھاتووە و رایگەیاند :نرخی چەرەزات، چوكلێت و شرینیمان گڕان نەكردووە و ھەر بە نرخی ساڵانی رابردوو دەیانفرۆشین.
گوتیشی: تا ئێستا نرخی دۆلاری ئەمریكی لە بازاڕەكاندا، جێگیرنەكراوە كە ئەوەیش كاریگەری لەسەر بەرزبوونەوەی نرخی خۆراك و كەلوپەكاندا لە بازاڕەكاندا دروست كردووە.
رۆژی 28ی ئەم مانگە وەك یەكەم جەژنی قوربانی دیاری كراوە و ھاوكات حكوومەتی ھەرێمی كوردستان بەم بۆنەیەوە ماوەی شەش رۆژ پشووی لەسەرجەم دامودەزگاكانی راگەیاندووە.
ھاووڵاتییان ئامادەكاری بۆ جەژنی قوربان دەكەن
100%
کۆمێنت (0)
تا ئێستا هیچ کۆمێنتێک نەکراوە.