دوای نیوه‌ڕۆی ئه‌مڕۆ دووشه‌م و كه‌مێك پێش ئێستا بوومه‌له‌رزه‌یه‌كی تر له وڵاتی توركیا و به‌تایبه‌تیش له پارێزگای ئه‌رزه‌ڕووم له باكوری رۆژهه‌ڵاتی ئه‌و وڵاته ڕوویدایه‌وه.
ده‌سته‌ی كاره‌سات و دۆخه له‌ناكاوه‌كانی توركیا (ئافاد) ڕایگه‌یاند: دوای نیوه‌ڕۆی ئه‌مڕۆ دووشه‌م كاتژمێر 14:43 بوومه‌له‌رزه‌یه‌ك به گوڕی 4.3 پله‌ی ڕێخته‌ر پارێزگای ئه‌رزه‌ڕوومی هه‌ژاند.
ڕاشیگه‌یاند: بوومه‌له‌رزه‌كه له قوڵایی 12 كم له ژێر زه‌وییه‌وه ڕوویداوه، تا ئێستاش قه‌باره‌ی زیانه‌كان نه‌زانراون.
ئه‌مه له‌كاتێكدایه كه شه‌وی ڕابردووش بوومه‌له‌رزه‌كه‌یه‌كی تر به گوڕی 4 پله‌ی ڕێخته‌ر له پارێزگای ئه‌ده‌نه‌ی توركیا ڕووی دا، پێشتریش سه‌رله‌ئێواره بوومه‌له‌رزه‌یه‌كی تر به گوڕی 4.6 پله‌ی ڕێخته‌ر پارێزگای مه‌ڵه‌تی هه‌ژاندبوو.
کۆمێنت (0)
تا ئێستا هیچ کۆمێنتێک نەکراوە.