گەڕی دووەمی دەنگدان بۆ هەڵبژاردنی سەرۆکایەتیی کۆماری تورکیا کۆتایی هات

گەڕی دووەمی پڕۆسەی دەنگدانی ھەڵبژاردنی سەرۆکایەتیی لە سەرتاسەری تورکیادا، کەمێک پێش ئێستا کۆتایی پێ ھات و جیاکردنەوە و ژماردنی دەنگەکان دەستی پێ کرد.

کاتژمێر 08:00ـی بەرەبەیانی ئەمڕۆ یەکشەممە 28ـی 05ـی 2023، بنکەکانی دەنگدان، بە ڕووی دەنگدەراندا کرانەوە پرۆسەکەیش تا کاتژمێر 05:00ـی ئێوارەی ئەمڕۆ بەردەوام بوو.

لە ھەڵبژاردنەکانی ئەمڕۆدا، زیاتر لە 60 ملیۆن دەنگدەر کە تەمەنیان لە سەروو 18 ساڵەوەیە مافی دەنگدانیان ھەبووە، زیاتر لە 191 ھەزار سندوقیش بەسەر ھەزار و 94 بنکەی دەنگدان دابەش کران.

ھەریەک لە ڕەجەب تەیب ئەردۆغان کاندیدی ھاوپەیمانیی جمھور و کاندیدی ھاوپەیمانیی میللەت، کەمال کڵچدارئۆغڵو کێبڕکێی دەکەن بۆ بەدەستھێنانی پۆستی سەرۆک کۆماری تورکیا.

بەپێی ئەنجامە کۆتاییەکانی دامەزراوەی باڵای ھەڵبژاردنەکان لە تورکیا لە گەڕی یەکەمی ھەڵبژادنەکاندا ڕەجەب تەیب ئەردۆغان 49.52% و کەمال کڵچدارئۆغڵو 44.88%ـی دەنگەکانیان بەدەست ھێنابوو.

دامەزراوەی باڵای ھەڵبژاردنەکان لە تورکیا دوای ڕاگەیاندنی ئەنجامە کۆتاییەکانی پڕۆسەی دەنگدان لە گەڕی دووەمی ھەڵبژادنەکانی سەرۆکایەتییدا، سەرکۆماری نوێی تورکیا بۆ پێنج ساڵی داھاتوو ڕادەگەیەنێت.