سكرتێری گشتیی ئۆپێك گەیشتە بەغدا

ھەیسەم غەیس ، سكرتێری گشتیی رێكخراوی وڵاتانی ھەناردەكاری نەوت (OPEC)، گەیشتە بەغدا كە لە میانیدا زنجیرەیەك دیدار و كۆبوونەوە لەگەڵ بەرپرسانی عێراق ئەنجام دەدات.
لەمبارەیەوە عاسم جیھاد، گوتەبێژی وەزارەتی نەوتی عێراق، لە لێدوانێكدا ئاماژەی بەوەداوە كە ئەمڕۆ یەكشەممە، سكرتێری گشتیی رێكخراوی وڵاتانی ھەناردەكاری نەوت، ھەیسەم غەیس گەیشتووەتە بەغدا.
راشیگەیاندووە كە ھەیسەم غەیس لە میانی سەردانەكەی بۆ بەغدا، زنجیرەیەك دیدار و كۆبوونەوە لەگەڵ ژمارەیەك لە بەرپرسانی عێراق ئەنجام دەدات.
عێراق كە ئەندامە لە رێكخراوی وڵاتانی ھەرنادەكاری نەوت (OPEC) لە دوای سعوودیە، بە دووەم گەورە بەرھەمھێنەری نەوتی خاو ھەژمار دەكرێت كە رۆژانە تێكڕا چوار ملیۆن و 500 ھەزار بەرمیل بەرھەم دەھێنێت.