Erbil 15°C پێنجشەممە 28 ئازار 18:11

وه‌زاره‌تی پێشمه‌رگه‌ ڕاگه‌یه‌نراوێك له‌سه‌ر تۆپبارانه‌كانی ئه‌مڕۆی ئێران بڵاو ده‌كاته‌وه‌

کوردستان TV
100%

شانه‌ی ڕاگه‌یاندن و هۆشیاری وه‌زاره‌تی پێشمه‌رگه‌ی هه‌رێمی كوردستان به‌یاننامه‌یه‌كی له‌سه‌ر تۆپبارانه‌كانی ئه‌مڕۆی هه‌رێمی كوردستان و سه‌نگه‌ره‌كانی پارتی ئازادی كوردستان له‌لایه‌ن ئێرانه‌وه‌ بڵاو كرده‌وه‌ و تێیدا داوای كرد زۆر بە خێرایی ئەم کارە دزێوانە لەسەر سەنگەرەکانی هێزی پێشمەرگە رابگیرێن.

شانه‌ی ڕاگه‌یاندن و هۆشیاری له‌ به‌یاننامه‌كه‌دا ده‌ڵێت: ئەمڕۆ چوارشه‌م 28ی ئەیلولی 2022، لە سنووری میحوەری پێنجی هێزەکانی پێشمەرگە، بەشێک لە سەنگەرەکانی پێشمەرگەکانی پارتی ئازادی کوردستان لە ڕێگەی فڕۆکەی بێ فڕۆکەوان بوردومان کران.

ده‌شڵێت: بۆردوومانەکە بە دوو گەڕ بووە، گەڕی یەکەم کاتژمێر 10:30 بوو، گەڕی دووەم کاتژمێر 13:20 بوو.

هه‌روه‌ها ده‌ڵێت: بەداخەوە لە بۆردومانەکاندا ژمارەیەک پێشمەرگە شەهید و بریندار بوون، هەروەها چەند رۆژنامەنووسێک بریندار بوون لەنێویاندا پەیامنێر و وێنەگری کەناڵی کوردستان 24.

شانه‌كه‌ی وه‌زاره‌تی پێشمه‌رگه‌ ئاماژه‌ی به‌وه‌ش دا: ئەم رووداوە لە کاتێکدایە کە هێزەکانی پێشمەرگە سەنگەریان لە تیرۆریستان گرتووە و رووبەڕووی ئەو تیرۆریستانە بوونەتەوە کە بوونەتە بەشێک لە مەترسییەکانی سەر ئاسایشی نیشتمانی عێراق و هەرێمی کوردستان بە گشتی.

جه‌ختیشی كرده‌وه‌ كه‌ ئێمە لە شانەی راگەیاندن و هۆشیاری پێشمەرگە ئیدانەی ئەو بۆردومانانە دەکەین، داواش دەکەین زۆر بە خێرایی ئەم کارە دزێوانە لەسەر سەنگەرەکانی هێزی پێشمەرگە رابگیرێن.

کوردستان

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.