ئه‌مرۆ یه‌كشه‌م ئه‌ندامێكی سوپای پاسدارانی ئێران له شاری تارانی پایته‌خت له‌لایه‌ن چه‌ند كه‌سێكی نه‌ناسه‌وه هاته كوشتن.
سوپای پاسداران له ڕاگه‌یه‌نراوێكدا دانی به هه‌واڵه‌كه دانا و ڕایگه‌یاند: ئه‌مڕۆ یه‌كشه‌م له كرده‌وه‌یه‌كی تیرۆریستیدا عه‌قید سه‌یاد خه‌دایی ئه‌ندامی سوپای پاسداران له باشووری تاران كوژرا.
لای خۆیانه‌وه میدیاكانی ئێران ڕایانگه‌یاند: خه‌دایی له‌لایه‌ن چه‌ند كه‌سێكی نه‌ناسه‌وه له‌نێو ئۆتۆمبێله‌كه‌ی ته‌قه‌ی لێ ده‌كرێ و ده‌ستبه‌جێ گیانی له‌ده‌ست ده‌دات.
ئاماژه‌یان به‌وه‌ش دا كه سه‌یاد خه‌دایی پله‌ی سه‌ربازی عه‌قیدی له سوپای پاساداران هه‌بووه و پێشتر له شه‌ڕی سووریا به‌شداری كردووه.
کۆمێنت (0)
تا ئێستا هیچ کۆمێنتێک نەکراوە.