Erbil 15°C پێنجشەممە 28 ئازار 21:59

يانەی قەڵا بووە پاڵەوانی خولی ڕەمەزانی پیرۆز

کوردستان TV
100%


یانەی وەرزشی ئاسۆ بە هەماهەنگی لەگەڵ یەکێتی تۆپی باسکەی هەولێر، خولێکی وەرزشیان ڕێکخست و سەرجەم یارییەکانیش لە یاریگای ئاسۆ بە سپۆنسەری کارگەی ئاوی ژیان بەڕێوەچوون و لە یاری کۆتاییشدا یانەی قەڵا بە ئەنجامێکی گەورە بوو بە پاڵەوانی ئەم وەرزەی خولەکە و توانی جامەکە بەرز بکاتەوە و دەستکەوتێکی نوێ لە مێژووی پاڵەوانێتیەکانی دا تۆمار بکات.
یانەی قەڵا لەم خولەی ڕەمەزاندا چەندین یاری لەسەر یەکی لە یانەکانی عومالی نەینەوا و نەوتی باکور و چەند یانەیەکی دیکە بردەوە و بەهۆی ئاستی بەرزی یاریزانەکانیشەوە و خۆی گەیاندە یاری کۆتایی خولەکە و لە دوا یاریشدا توانی بە ئەنجامی ٦٧ بەرامبەر بە ٥٨ گۆڵ یارییەکە لە نەوتی باکور بباتەوە و مێژووێکی نوێ بۆ ئەو یانەیە تۆمار بکات و ببێتە پاڵەوانی ئەم وەرزە و خولی ڕەمەزانی پیرۆز.
(عەبدولخالق عەبدولکەریم) ڕاهێنەر و بەڕێوەبەری هونەری یانەی قەڵا لەمبارەیەوە گوتی: بەدەستهێنانی ئەم جامە و بەشداربوون لەم خولەدا مایەی خۆشحاڵیە، کە یانەکەمان توانی بە ئاستێکی بەرزەوە ببین بە پاڵەوان، بۆیە دەستخۆشی گەرم لە یانەی وەرزشی ئاسۆ و یەکێتی تۆپی باسکەی هەولێر دەکەم، کە توانیان بەوپەڕی جوانیەوە خولەکە بەڕێوەببەن و کەشێکی وەرزشی لەبار بۆ وەرزشوانەکان ڕێکبخەن و ببن بە هاندانێکی باش بۆ یاریزانەکانمان تا بتوانن لە خولەکانی داهاتوودا زیاتر برەو بە تواناکانیان بدەن.
ئا- كامران

وه‌رزش باسکە

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.