رژێمی بەشار ئەسەد، بانگەشەی ئەوە کرد کە ئیسرائیل هێرشی ئاسمانیی کردووەتە سەر چەند خاڵێکی سەربازیی لە باشووری سووریا.
ئاژانسی هەواڵیی سەربە رژێم "سانا" ، بەپشت بەستن بە سەرچاوە سەربازییەکان، بڵاوی کردەوە کە کاتژمێر 00:50 بە کاتی ناوخۆ، ئیسرائیل هێرشی ئاسمانیی کردووەتە سەر چەند خاڵێکی سەربە هێزه‌كانی رژێمی ئه‌سه‌د لە باشووری ئه‌و وڵاته.
لە ھەواڵەکەدا باس لەوە کراوە کە لە هێرشەکەدا، سەربازێكی رژێم كوژراوه و هاتووه ''سیستمی بەرگریی ئاسمانیمان بەرپەرچی مووشەکەکانی دووژمنی داوەتەوە و زۆربەیان خستووەتە خوارەوە''.
لە ساڵی 2011ەوە تا ئێستا لەوەتەی شەڕی ناوخۆی سووریا دەستی پێ کردووە، ئیسرائیل ناو بە ناو هێرش دەکاتە سەر گرووپەکانی ئێران و خاڵە سەربازییەکانی سەربە رژێم.
ئه‌و هێرشانه‌ی ده‌گوترێت له‌لایه‌ن ئیسرائیله‌وه ده‌كرێنه سه‌ر سووریا به گشتی كاته‌كانی ئێواره یان شه‌وان ئه‌نجام ده‌درێن.
کۆمێنت (0)
تا ئێستا هیچ کۆمێنتێک نەکراوە.