گوته‌بێژى وه‌زاره‌تى ده‌ره‌وه‌ى ئێران ئه‌مڕۆ دووشه‌م له لێدوانێكى رۆژنامه‌وانیدا ڕایگه‌یاند، ئێران دانوستاندن له‌سه‌ر ده‌قێكى دیكه‌ى ڕێككه‌وتنى ئه‌تۆمى ناكات، جه‌ختیش له‌وه ده‌كاته‌وه كه گفتوگۆكانیان له‌گه‌ڵ سعوودیه له قۆناغێكى جددى دایه.
سه‌عید خه‌تیب زاده گوته‌بێژى وه‌زاره‌تى ده‌ره‌وه‌ى ئێران ڕایگه‌یاند: ئه‌گه‌ر رۆژئاوا مكوڕ بوایه له‌سه‌ر دانوستاندنه‌كان، ئه‌وا دۆناڵد ترامپى سه‌رۆكى پێشووی ئه‌مه‌ریكا نه‌یده‌توانى گوێیان پێ نه‌دات.
جه‌ختیشی كرده‌وه كه ئه‌ڵمانیا له‌و وڵاتانه‌یه كه له چوارچێوه‌ى رێككه‌وتنى ئه‌تۆمى به‌ڵێنه‌كانى به‌جێ نه‌هێنا.
له‌باره‌ی په‌یوه‌ندیه‌كانی ئێران و سعوودیه، گوته‌بێژى وه‌زاره‌تى ده‌ره‌وه باس له‌وه ده‌كات كه گفتوگۆكان له‌گه‌ڵ ئه‌و وڵاته ده‌كرێ ببێته زامنى ئاسایش و سه‌قامگیرى له ناوچه‌كه‌دا.
لای خۆشییه‌وه (ئێرنا) ئاژانسى هه‌واڵى ئێران ئه‌وه‌ی خسته‌ڕوو كه له دانوستاندنه‌كانى ڤییه‌نا، شاندى ئێران دانوستاندن له‌سه‌ر ده‌قێكى دیكه ناكات و هه‌موو گفتوگۆكانیش له‌چوارچێوه‌ى رێككه‌وتنى ئه‌تۆمیدا ده‌بێت.
کۆمێنت (0)
تا ئێستا هیچ کۆمێنتێک نەکراوە.