مەسرور بارزانی سەرۆکی حکوومەتی هەرێمی کوردستان له‌گه‌ڵ کاربەدەستانی ئیدارەی گەرمیان لە کۆبوونەوەدایە و لە کێشەکانی ئیدارەی سەربەخۆی گەرمیان دەکۆڵێتەوە.
ئەمڕۆ دووشەممە 7ـی تشرینی یەکەمی 2021 مەسرور بارزانی سەرۆکی حکوومەتی هەرێمی کوردستان سەردانی گەرمیانی کرد و لەگەڵ سەرپەرشتیار و قایمقام و بەڕێوەبەری ناحییەکانی سنووری ئیدارەی سەربەخۆی گەرمیان لە کۆبوونەوەدایە، تاوتووێی کێشەکانی دەڤەرەکە دەکات.
بڕیار وایە لە چوارچێوەی سەردانەکەی مەسرور بارزانی بۆ گەرمیان لە رێوڕەسمێکدا سایلۆی کەلار بکاتەوە.
سایلۆی کەلار بە گوژمەی 21 ملیار دینار دروستکراوە و توانای عەمبارکردنی 40 هەزار تەن گەنمی هەیە و دەتوانرێت بۆ ماوەی 5 ساڵ گەنمی تێدا هەڵبگیرێت، هەروەها توانای تێستکردن و دیاریکردنی جۆر و کوالیتی گەنمی هەیە.
کۆمێنت (0)
تا ئێستا هیچ کۆمێنتێک نەکراوە.