ئەمڕۆ سێشەممە، پۆلیسی نەھێشتنی تاوانی سلێمانی تۆمەتبارێکیان دەستگیرکرد کە چەند جارێک و لەچەند ماڵێکدا ئاڵتونی دزیبوو.
بەڕێوەبەرایەتی پۆلیسی سلێمانی ڕایدەگەیەنێت، دوای تۆمارکردنی سکاڵای یاسایی لەلایەن ھاوڵاتییەکەوە کە لەماڵەکەی خۆیدا بێھۆشکراوە و دواتر ئاڵتونەکانی دزراوە، پاشان ھێزەکانی پۆلیس لێکۆڵینەوە و بەدواداچونەکانیان دەستپێکرد.
لە ڕاگەیاندراوەکەدا هاتووە، دوای وەرگرتنی بڕیاری دادوەر، توانرا تۆمەتبارێک بەناوی (ج، خ، ت) لەدایکبووی 1970 دەستگیربکەن و لەبەردەم دادوەردا دانی بەتاوانەکەیدا ناوە کە چەند جارێک و لەچەند ماڵێکدا ئاڵتونی دزیبوو.
پۆلیسی سلێمانی ڕوونیشیکردەوە، تۆمەتباری ناوبراو بەناوی یارمەتیدان و ھاوکارییەوە خۆی لەو ئافرەتانە نزیککردۆتەوە کە بە تەنھا ژیاون، دواتر خاوەن ماڵەکەی بێھۆشکردوە و ئاڵتونەکانیانی دزیووە، ئێستاش تۆمەتبار بەبڕیاری دادوەر بەپێی ماددەی ٤٤٣ ڕاگیراوە و لێکۆڵینەوەکان لەگەڵیدا بەردەوامە.
کۆمێنت (0)
تا ئێستا هیچ کۆمێنتێک نەکراوە.