جۆزیپ بوڕێڵ: له‌گه‌ڵ سه‌رۆک بارزانی باسمان له‌ رۆڵی هه‌رێم له‌ پرسی سه‌قامگیری و ئاسایشی ناوچه‌که‌ کرد

دوای ئه‌وه‌ی رۆژی 7 ى 9 ى 2021 ،  جۆزیپ بوڕێڵ،  جێگری سەرۆكی كۆمیسیۆنی ئەوروپا و بەرپرسی سیاسەتی دەرەوە و ئاسایشی ئەورورپا  گه‌یشته‌ هه‌ولێری پایته‌ختی هه‌رێمی كوردستان ، له‌گه‌ڵ سه‌رۆك بارزانی و سه‌رۆكی هه‌رێمی كوردستان و سه‌رۆكی حكومه‌تی و به‌رپرسانی دیكه‌ی حكومی كۆبوویه‌وه‌ .
دوای كۆبوونه‌وه‌ی له‌گه‌ڵ سه‌رۆك مه‌سعود بارزانی ،  جۆزیپ بوڕێڵ،  جێگری سەرۆكی كۆمیسیۆنی ئەوروپا و بەرپرسی سیاسەتی دەرەوە و ئاسایشی ئەورورپا  له‌ هه‌ژماری تایبه‌ت به‌خۆی له‌تویته‌ر  باس له‌ناوه‌رۆكی كۆبوونه‌وه‌ی خۆی له‌گه‌ڵ سه‌رۆك بارزانی ده‌كات و رایده‌گه‌ێنێت: له‌ كۆبوونه‌وه‌كه‌مدا  له‌گه‌ڵ بارزانی باسمان له‌ رۆڵی هه‌رێمی كوردستان كرد له‌ پرسی سه‌قامگیری  و ئاسایشی ناوچه‌كه‌.
هه‌روه‌ها  راشیگه‌یاندووه‌: رۆڵی هه‌رێمی كوردستان له‌ به‌ره‌نگاربوونه‌وه‌ی تێكشكاندنی داعش له‌گه‌ڵ هاوپه‌یمانی نێوده‌وڵه‌تی به‌رز ده‌نرخێنم، پابه‌ندیش ده‌بین به‌ ئه‌ركه‌كانمان له‌ چوارچێوه‌ی ئه‌و كارانه‌ی كه‌ هێشتا ته‌واو نه‌بوونه‌.