وه‌زیری پێشمه‌رگه‌ی حكوومه‌تی هه‌رێمی كوردستان ئاشكرای كرد، له‌گه‌ڵ به‌رپرسێكی ئاسایشی ئه‌مه‌ریكا له هه‌رێم باسیان له پڕۆسه‌ی چاكسازی له وه‌زاره‌تی پێشمه‌رگه كردووه.
شۆڕش ئیسماعیل وه‌زیری پێشمه‌رگه ڕایگه‌یاند: ئه‌مڕۆ یه‌كشه‌م له میانی دیدار و كۆبوونه‌وه‌مان له‌گه‌ڵ كۆلۆنێڵ دۆگلاس پاتریك به‌رپرسی ئۆفیسی ئه‌منی هاریكاری ئاسایشی ئه‌مه‌ریكا له هه‌رێم كۆبووینه‌وه.
راشیگه‌یاند: له كۆبوونه‌وه‌كه‌دا جەختمان لەسەر پتەوکردنی زیاتری پەیوەندییەکانی نێوان وەزارەتی پێشمەرگە و وەزارەتی بەرگریی عیراق بۆ هەماهەنگی فراوانتر و ئەرکی هاوبەش كرده‌وه، ئه‌مه‌ش له پێناو پاراستنی ئاسایش و سەقامگیریی ناوچەکە و تێکشکان و لەناوبردنی تیرۆریستان.
هه‌روه‌ها ڕایگه‌یاند: هەر لەو کۆبونەوەیەدا گفتوگۆمان کرد لەسەر پێشخستنی زیاتری پڕۆسەی چاکسازی لە وەزارەتی پێشمەرگە و دووپاتمان کردەوە کە ئەو پڕۆسەیە هەنگاوی باش و ئەرێنی ناوە و بەردەوامیش دەبێت.
کۆمێنت (0)
تا ئێستا هیچ کۆمێنتێک نەکراوە.